927. 【立會選舉】大律師公會主席戴啟思是英國間諜(估計有九成九機會)

法律界的PLAN B – 戴啟思：大家都猜佢是英國MI6間諜

這個猜估遊戲也不是我第一個估的，之前都應很多人估過。不過估還估，沒有人會出來承認的，即是你有真憑實據在手。即是話全世界都知阿媽係女人，佢又係阿媽，但佢點都唔認佢係女人一樣咁得意的邏輯，這就是政治行規和政治藝術，打死唔認就當冇。

不過戴啟思參選都有幾個現實問題，第一是雙重國籍問題，係人都知佢係英國鬼佬，老家是英國，雖則話立法會俾雙重國籍，不過要佢宣誓效忠中國及香港政府，點都冇說服力。第二是我都好懷疑佢聽同講廣東話能力，識聽一大部分我都覺很大可能，但要全程開會聽廣東話，我真有點…。又無理由要成班香港人開會要講英文就佢一個。又或是佢一早預定只是來投反對票同出糧，其餘開會時間都閃人返屋企睡覺或返自己公司做嘢。(現在許多議員都係咁。)

立法會都應該係時候想下要廢咗容許雙重國籍可以立法會議員。

在這敏感時刻，在國安法下，其實都應重新檢視雙重國籍同雙重效忠問題。一腳踏兩船、食兩家茶禮、一女同時嫁二夫? 都唔合理都唔合邏輯啦。歷史問題也應有解決時候，正如當年香港割讓問題、九龍城寨三不管問題、等等，最後咪都要去解決。即如23條立法，你唔去解決，中央就解決你，同你一次過立個港版國安法，一次同你搞惦個問題，什麼怕白色恐怖、送回國內受審、叛國罪、以言入罪等，在反修例中你話最驚的東西一次過送俾你，係咪驚都要死呢，但現實是，大家都係咁過日子，沒有什麼不同。會唔會好似明朝咁周街都係東廠、西廠、內行廠同錦衣衛啲人周街走拉人，又見唔到好似日佔時期咁成街日本兵喎，即係話之前搞事果批人講的都是大話囉。不過真是仲有啲盲毛見到現實情況都唔仲係唔明，咁食完屎都唔知自己食咗，都真係無辦法，唯有佢去到見上帝或魔鬼先至同佢解釋，可能先至有說服力同個人權威。即是如侵侵話XXX可以治新冠，醫療專家話唔係喎，但真有好一部美國人信總統多過信專家，結果當然有好多白痴仔食完死Q咗，而侵侵自己究竟真係有無食到，我想佢自己先知，不過我估有百分之九十九點九佢係無食過，只是講大話呃你而已，不過這些永遠沒有證據的東西，你點講都得，我死唔信佢有食、佢死話有食，但大家都拿不到任何真憑實據出來，唔沖佢食果時揾哂專家睇住個食、拍埋片同有幾個專家在場做證，咁就可信性極高了。(緊係無拉，白痴仔! 佢成日講大話，講多個完全當食生菜，佢可信度之低，真是全美國歷史的總統數佢第一無人敢認第二。)

英國間諜就幾可肯定，不過是MI5定MI6就要佢自己出來澄清了

國安法一出，再加上俾曾鈺成講兩下，忽然間覺得成個香港遍地都是間諜，真是諜影重重，把電影如007、職業特工隊等都搬到現實上。最近見到有個YOUTUBE片話英國情報局同美國情報局揀人做間諜都好唔同，英國人喜歡找些大學生精英大多是讀英國文學歷史之類較低調温醇無咁激進的人較好控制，而美國就較喜好較打得的，如見美國的MARK SIMON等都應是幾打得。

相反英國之前的007電影如羅渣摩亞同布魯斯南就較斯文，最近那個樣又粗獷又粗魯，倒不像英國特務格。如陳太、葉劉、曾蔭權就讀華仁預科本應報讀建築因家貧放棄、林鄭等都是完全同一個模式選高官。

好了說回戴啟思個CASE，佢又是在英國大學讀文學再去讀法律、本來在英國做了七年律師，忽而來香港加入律政司署，咁最大可能是當時英國情報局睇中佢找佢過來香港做間諜，因為符合之前話英特務機構最鍾意找大學生又是讀文學歷史出身較低調温醇的人做特務又不起眼。如果唔係，點解無啦啦會來香港律政司署做嘢，緊係人地睇中你過來做檢察官，這也解釋了點解到現在成個香港律政司署都還在英國掌控之中的疑問了。

第二個明顯事實是佢個女都走了去英國外交部做事，最大可能咪又係佢替英國做嘢，咁佢自然可以叫英國政府幫下手俾份工佢個女做，就是外交部囉。佢個女都唔係專讀同有興趣做外交的人。

第三是佢91年離開政府到私人機構工作。這個轉變都幾有趣。以時間看，我估當年91、92年應約是中英開始談判中國接管香港，而由這時英國政府內部都應知佢自己立場同香港要交還中國的現實情況。所以大部分在香港的情報工作都由MI5轉到由MI6負責，因為香港已不是英國內部事務而是外國事務，當然要由MI6(即007果個老細睇)，轉咗老細，當然部署同睇法都唔同，佢哋可能覺得香港律政司署在回歸後點都會俾香港黃皮膚人管返，戴遲早都會俾人OUT，不如出來在大律師界紥根，掌控全個香港大律師界，即是現在大家見到成個大律師界基本都是佢哋自己友的情況。

但上法庭打官司特別是搞事搞破壞香港的案子若由香港本地大律師做，就肯定早早被中央認定是外國代理人，都佢哋在香港做生意做其他案子有絶對不利影響，情況一如在國內一樣。所以凡是佔中反修例等反政府案件，無大律師肯揹黑鍋就由佢做，如游梁案、羅冠聰案等，因為反正佢都係英國人，最WORST情況咪返英國一了百了，咩事都冇囉。

另外點解成日話俾人聽佢留在香港，其中另一主要原因我想是英國MI5特工可能有權力同能力安排特工在英國居住生活等條件。但MI6就轉負責海外國外情報工作，很多招攬特工都是當地人，所以我想MI6一向都沒有權力同能力可以安排特工到英國定居同生活，除非極其特殊情況。所以我相信戴在91年時應由MI5轉到MI6，所以MI6沒有人OFFER任何回到英國定居及生活的安排俾佢，要返就要食自己。而另一個顧汝德可能還是MI5負責又或是佢知得太多，身份早已曝了光，故不得不立即調佢返英國。也相信兩個人等級唔同，戴應是較低級同無咁知太多英國特工在香港資料同情況，只是收ORDER做嘢而已。而這十多年相信都係要同美國CIA在香港的特工合作，英國同美國FRIEND，相信肥佬等都是經CIA同李大狀來同佢合作。而李大狀我就相信佢應隸屬CIA多過是MI6。

其他正係在香港揾大律師案件飯的多不敢接這些DIRTY CASE嚟做，特別是出了名的，你見李大狀都很少搞這些CASE，連佢個仔都好少走得咁前就知啦。