926. 【COVID-19】【直銷陷阱】香港原來仲有人玩直銷、仲有人中招

雙重中招 – 中了直銷陷同新冠病毒

據報道話香港有個直銷群組叫STAR GLOBAL，有23 多人中了新冠病毒，很多人在直銷講座同培訓過程中沒有戴口罩，年紀都很輕呢。網上話這間公司同FRANCINE與有間叫亮碧思直銷公司有關連。

簡單直接講就是扼人入會買嘢，又或是玩到廢時用買產品名義的，直接叫人入會呃錢的層壓式會員制。

在國內很久以前應已被禁止這種方式做銷售，以防騙案。香港在我很靚仔年代也曾經盛行一時，有的較正路的如AMWAY，有的是呃錢的如FOREVER蘆薈產品，到後來也懶得做產品，索性直接叫人不斷通過層層叫人會會賺會費，簡單直接。

但想不到都N咁多年，仲有人玩這個呃人呃錢遊戲，但最神奇的是仲有大把人落搭，而且很多都是後生仔，真是橋唔怕舊，只要你受。見到都唔知好笑定好驚奇。

不過現在現直銷都參加者都雙重中招，都幾超額着數了。真唔知班參加者同做直銷班友個腦去咗邊，而家咩嘢時候，政府都叫人保持社交距離成半年啦，上街人人戴口罩，你真咪話俾我聽你唔知有病毒。仲叫人去講座又無做足社交距離，仲有呢個時間仲搞培訓，又係唔戴口罩，真係害人害己。

要買嘢經直銷不如直接用淘寳好過啦

唔明而家仲有人想會經直銷去買嘢，又易中招又易買到些不知名的產品，不如直接上網買，也可以在淘寳任你睇任你揀任你格價，以前年代有就過郵購、catalogue 買嘢…。仲有以前見過啲直銷產品價錢貴又無牌子，超揾笨，不過直銷同層壓式推銷都唔志在產品同買嘢，志在揾人入會科錢同抽水分佣，成日都同人講個直銷阿頭上級賺到住半山有BENZ車，直銷不是普通打工仔而是自己盤生意做老板咁喎。

但到這2020年，仲有會中招，仲有買直銷嘢? 真不能相信，仲係後生仔，要買都到平靚正都到淘寳啦，所謂有淘寳無走寳。

唔明、唔明…。一百歲唔死都有新聞睇。