928. 【港版國安法】諜影重重話特特首

近來可能受國安法在港立法實施有關，什麼人同事都會聯想起外國勢力下的特務機構，如CIA、NSA、MI5和MI6。什麼事也開始用陰謀論先來假設一番，看下他們是否有可疑。想下想下都覺幾有趣，原來那麼遠這麼近，電影中的特務忽然都變成現實世界，有點夢幻，像以前回歸前見到有很多在書中或媒體看到的藝術品，特別是我們中國的，也以為永遠都是空中樓閣，可想而不可見，但竟然在回歸後大家可在香港博物館見到，如清明上河圖、蘭亭序、等等，真是人生都很奇妙。如現實中的特務以前真的不敢想像就在我們身邊多年而不自知，又如書上看到人類歷史上的流行大瘟疫，都以為只是在上幾個世紀人類科學未成熟未發達時才會出現，特別是在發達國如歐美也包括亞洲經濟不差的地方如中國、香港、日本、韓國同新加坡，不過一場新冠病毒，徹徹底底將這個觀念打得粉碎。真是人間事，什麼也可發生。

估了一輪什麼人很可疑是外國特務或是我們叫二五仔或古時叫漢奸外，忽然我想我們幾屆特首有沒有機會都是外國策反的人，董叔叔、曾叔叔、CY到林鄭，從表面事實看全都不似。原因是第一是所有特首事先一定都經中央查核過，也有所謂就職前品格審查查三代，加上幾個特首都是超過幾十年在公眾視綫下，若有任何反骨二五言行，大家都應一早發現同嗅覺，如陳太、鬍鬚曾、梁家傑也不用講同估、王永平都很可疑。

董叔叔早年公司面臨破產，由中央及有關幕後相關人士同團體出手相救，中國人念舊同感恩圖報的性格，故董叔叔完全不可能。況董叔叔又是國家政要，現在也四出為國或港事務奔波。曾叔叔同林鄭個案相似，香港土生土長大，也是長期在港英政府做官，但從長期表現大家都完全看不到其言行有任何支持外國勢力的事情，此外，兩人都在國內置業，退休後在國內生活的機會頗高，曾叔叔退休後也經常到國內旅遊，而林鄭個仔也曾是小米高層，所以若他倆是有特務身份，絶對不會在國內置業及經常到國內遊玩或家人在國內有個人事業，因為這會非常危險，你真以為大家常講一人做事一人當，唔應連累家人，但現實卻完全相反，甚至一定連累家人，否則怎會傳瘋瘋家人早早走了去台灣、羅蔥蔥怎會公開話同屋企人斷絶來往，目的就是要保護家人，故意要話俾人聽唔好搞我屋企人，但心裡很清楚一定會累家人，簡單點就是不孝，冇俾家用。又如早前阿曾鈺成都話當年個顧汝德無拉拉成日走去HKU同佢SO SO扮老友搞關係，因為當時曾鈺成個細佬有份搞暴動，被拉坐監，英國政府想知究竟那些香港人是幕後搞手，情況一如現搞暴動班友仔。英國政府都要找佢哋特務去收料，特務主要工作就是去收集情報嘛。所以從言行基本都可肯定曾叔叔同林鄭都超大無可能是外國勢力的特務或棋子。

同樣原理大家都可看看超有可疑或根本都肯定係間諜或外國勢力的棋子，如講最大件的肥佬、陳太、主教同大狀，佢哋完全唔會返國內做任何事兒，旅遊探親做生意等等，通通都唔會做，又唔會俾自己仔女參與任何破壞香港事情上，連示威遊行這些基本嘢都完全唔會俾佢哋做，所以一眾佢哋教徒如瘋瘋蔥蔥眾志全班人馬、又如戴耀庭鍾X庭等你完全唔會見佢哋屋企人一齊出來幫手。搞佔中果個朱牧師個仔要搞都走到外國搞，也是同一道理 – 又要搞又怕死又要攞着數。你幾時見陳太個女大狀個仔走哂走嚟話阿爸我好支持你同你一齊替天行道…，全部都冇喎。咁大家都可以知道佢哋搞的連佢哋自己都知係衰嘢。所以大家都好少見强盜大賊要父業子承，叫埋個仔女做黑社會强盜大賊，話俾個仔聽打刧綁架超易揾錢，一次就可揾十幾億港錢，EASY MONEY，有冇，緊係冇啦。相反有錢佬就成日想個仔女繼承自己盤生意，就連施永青老闆以前都話無想過要子女接捧，但現實同事實咪又係交棒俾個仔女，肥水不流別人田嘛。

至少CY都應唔使講，之前未做特首大家都話佢係共產黨員潻，同埋佢之前都已長期做人大政要，同埋佢現在都經常返大陸做嘢開會，若是特務就即是話隨時入得唔出得，佢身有屎就肯定唔會自己成日送羊入虎口，所謂走得一次走唔到一世。正如我哋普通香港市民，成日返國內旅遊緊係完全無問題啦，因為你都完全唔係這類特殊人物。連在過關時俾人問下你，我返國內N咁多次，一次都未俾人問過，自己友嘛，相反去國外就成日中招俾人問，去英國就試過俾人問你入來英國做咩嘢，幾時走，住那裡，其它國家都多問你入來做什麼，從那裡來，其實部PASSPORT咪清楚話俾你知我從那裡來 (或是要唱下橄欖樹俾佢聽：不要問我從那裡來，我的故變在遠方….。)

至於唐唐也是這情況，家族成盤大生意在國內上市，又連個老豆都在國內退休生活，即係話同其他所有特首一樣都完全無可疑，

香港以外的情況就大有可能

美國侵侵最可疑，因為從佢上台至今的行為都非常不像傳統美國總統，口裡說AMERICA FIRST，但事事就以令美國DOWN AGAIN作結。起墨西哥長城、勞民傷財。脫離世衛、令美國人抗疫要稗孤軍作戰，死得人多。下下針對中國，擺明着打死中國同美國，益了俄國。在位期間完全沒有打過俄國，仲要G7加入埋俄國，又突然退出阿富汗同土耳其敍利亞，擺明益俄國。減少在德國及南韓駐軍，削弱歐盟實力同減輕俄國在遠東的武力威脅，又是益俄國。支持英國脫歐，又是削弱歐盟政經實力，又是益令俄國在歐洲的對手實大大大削弱，又是同一結果。將大部分海上軍事力量都集中在中國周邊特別是南海同台灣日本海峽，又完全忽視俄國威脅，擺明要削弱中國武裝威脅但同時又大大消耗美國部署軍力，，又是同一效果。所以KBI實力真是可能叻過CIA都唔定。

到台灣這邊，李登輝剛剛SAY BYE，不過佢所作所為，我看最初應是日本條靚，不過最後都應歸付美國CIA，又或是被CIA招納了。因為佢做反了自己個黨國民黨，支持了民進黨的長大，而民進黨的路綫就是做美國條狗。即係話美國原先覺國民黨不太聽話同聽指揮，故要轉個好使好用的陳水扁，到如今的蔡英文。有人話李登輝是台灣民主之父，不過背後可能不是為了台灣民主，而是幕後老細想搞台獨兩個中國來制衡中國，利用民粹精神來操控台灣人民，所以一人一票選舉就易利用政情來操控民粹情緒。不然美國國務卿話台灣一人一票選舉是最好的民主制度，但你完全唔見佢話會返去美國全力搞美國一人一票選總統這玩意，把口話是全世界最佳，但返去美國又完全郁都唔郁美國現有選舉制度，咁美國民主制度咪永遠低於台灣民主制度囉，咁美國又點會是世界最民主國家，個位咪要讓俾台灣，由台灣人出來領導美國民主制度改革先至最好。所以李登輝是CIA內應都走唔甩。

其次再露骨的就連特務間諜也不用，直接用武力搞惦，像殖民地就直接用回英國人直接管治，你都不用去估你站在那邊，又如美國侵佔阿富汗伊拉克等都是要用自己指定的本地馬，就算佢哋唔係CIA鬼，都肯定同漢奸同LEVEL、同功用一如滿清最後皇帝溥儀一樣都是傀儡。