953. 【立會大選】抗爭派叫立會泛民集體辭職，不如叫埋區議員同上同落，一齊唔撈

叫人唔撈但自己又唔以身試法，集體唔撈區議會，又是玩假攬炒

現在有一批擺明自己無着數的所謂抗爭派同一兩個立會議員不斷叫全班反建設派集體唔撈立會議員，沽勿論佢哋理由幾咁有理由都好，現實就是無咗一年糧，叫人唔撈果啲人又唔會俾番錢佢哋。而鼓吹唔撈的人自己卻完全唔會話自己首先唔撈區議員份工。明顯是玩假攬炒，叫你去死，自己完全唔會跟你去死，只是得把口。仲有叫有啲人走咗佬去英國外國，仲夠胆話叫反建設派唔好分裂民主陣容，要跟民意，何為民意，就是佢哋幾個人意見就是民意，你想有點意思，咪叫阿鍾生搞個民調做個民調意見出來做下樣囉。不過鍾生個份工好像受肥佬指揮多個受抗爭主力班靚仔多，因為班靚仔根本無錢俾佢使。有錢大哂，當然啦。走咗佬仲要做遙控指揮叫人去打去死，都完全無道德道義可言。明明自己怕死，怕俾人拉，要外國勢力照顧，但卻要人哋在香港俾佢指去死去打，都唔知咩道理，但衰在真係仲有班盲柄聽佢指，真係豬咁精。

你估下若情況唔同咗，立會連任一年不是呢班老嘢，而是佢哋成班勇武者，你估佢哋係咪仲係話要玩集體辭職，很明顯個答案極可能是完全相反，緊係同現在話要留守果班講既嘢同一套道理同講法。

出於實際，肥佬緊係叫班老嘢繼續在立會人家出糧俾佢哋搞嘢，唔沖你叫肥佬一時間要照顧咁多退役殘兵，邊有咁多米去養成班大帝。剩係瘋瘋都要請司機同保鑣，仲有要時不時要有一點娛樂活動俾佢，仲有可能其他馬仔見到都要學瘋瘋咁一樣要有相同待遇，到時都幾頭痕。