921.【港版國安法】刑事檢控專員擘炮唔撈的猜想

刑事檢控專員梁卓然擘炮唔撈，但又在內部電郵話俾人聽佢唔使處理反國法案件。又據網上資料話律政司成立了個SPECIAL TEAM專處理國安法案件。另外網上消息話佢老婆都是在刑事檢控科任職高級律師。若事情是這樣，即是話佢即使走了仍然可以通過佢老師全面掌握到全個政府刑事檢控科所有檢控案件資料進度，都幾恐佈。

在現在國安法下，香港人都變都有點神經質，樣樣都會用007 CIA的頭腦看事物。用下陰謀論睇個CASE，梁擘炮唔撈表面都應是現任律政司同佢唔夾同架空佢職權。不過又從現實看，據網上講律政司基本不會參與日常檢控科的工作，只是作為上司作總工作方向指示而已。即是話個檢控科是獨立王國，不受特首及律政司指揮做事。做得好當然不用勞煩阿頭問話，但做得不理想就有問題。看來從佔中反修例等，全香港人都見律政署檢控時間非常悠長，仲悠長過悠長假期，長久以來都飽受全香港人話撿控程序過久，完全失去維持法治的正義功能，如佔中去告人就會搞個二三年才告到人，完全不理想。我想反修例事件都是同一進度，所以即使以我們是外人，完全不知佢檢控組的工作方法和程序，也肯定其工作效率同進度完全無效，我想很大可能律政司都已同佢哋講了九千幾百萬次要加快進度，要告就告，唔告就撤，但人家就唔理你，一於嘆慢板，當然人家一定也有九千幾百萬理由同你講點解咁慢，慢工出細貨，要搞清這樣搞清那樣，跟着就日出西山，到下屆政府都仲在研究個案中。由於進度不理想，我想律政司司長可能都催了多次都無效，也完全不能開展咁應當要做的工作，但也應吹佢唔漲。

轉捩點我自己估應是司長在英國倫敦受傷往北京醫治期間，可能是中央教佢同話佢知可能成個律政司也已被外國勢力滲入及掌握，特別是檢控科。所以這也解釋了為什麼幾乎所有關於反中亂港的暴行的檢控程序有長有狗，冇二三年時間都搞唔上，明顯是裡應外合的格局。加上第一任律政司根本唔識刑事檢控事，第二任同第三任其實都是HKU顧汝德成班馬仔培訓出來的學生，即是唔多唔少都受影響同受操控，所以所有有關檢控時間都有長無短，同警察完全唔塔咀型。中央可能都已極度懷疑成個檢控組早已被人操控，所以在北京已同律政司司長面授機宜，告知佢班靚即阿頭係大問題，故司長回港開始識做事，成立了SPECIAL TEAM專處理國安法事務，為的就是避卻俾人拉後腳，看來檢控科仲有排清理。

不過間諜這家嘢，從來都唔會俾你見到真憑實據，只能用人家行動來證明。唔仲人家會有一份開工合約簽俾你睇，我XXX加入CIA 或MI5或MI6作為受薪僱員，享有合約以內福利，以及終身絶對保守在職所有工作秘密….。雙方簽字為證，再加上揾位大律師做見證人。

香港幾乎全部HKU出來的大律師群都大有可能是佢哋班馬

所以見到凡在HKU出嚟的大律師及律師都超支持非建設派同搞事者，以及支持幾乎所有外國政府制栽香港的所有事情，原因就是成個HKU法律系都是由佢哋長期操控做洗腦及培訓。相反如浸大就似不一樣，估計兩大幫根本不是同一派。

要撤底解決都要從HKU的法律糸老巢做起，不搗毀總巢穴再重建，這個長期病患都應難醫，頭痛醫頭腳痛醫痛根本不能治本。這就是問題。

所以點解要揾個SPECIAL TEAM 專理國安法案件了。這也不是什麼奇怪或特殊的情況，這是信任問題，如英國在香港的政治部都完全由英國MI5直接掌管同找人從英國過來管理，也是怕香港人根本不是佢哋同民族，必有離心。又如港督全部都是由英國鬼佬做，從沒有香港人本地人或任何英籍華人坐過這個位。也是這個原因。

同理，所以相信香港國安法主管部門都是主要由中央直接指派同指揮，也應是同一套道理。