715. 叫美國佬侵佔香港 – 那門子的腦袋

這是個完全沒有考證的POST，也懶得去網上找證明。事緣見到有個香港YOUTUBER 話見到有個群組鼓吹叫美國佬侵佔香港，以帶給香港民主自由喎。仲話個群組都有不少和應話好，俾個YOUTUBER話班友有冇腦，個YOUTUBER是在外國讀書的，連佢都話佢唔鍾意做鬼佬管治的二等公民，都唔知點解香港有人喜歡做人家奴婢。

不過都很明顯鼓吹叫美國佬侵佔香港的人都完全無用個腦同完全唔知世界事，首先叫美國佬嚟打香港侵佔香港做其殖民地或管治地一事，看下歷史，美國並不善長做這家嘢，你那見美國四圍去建立殖民地，既然美國極少玩呢家嘢，叫佢嚟做就缺少經驗，可以搞好香港比侵佔時更好完全沒有任何實質支持，即是話班友仔只是幻想下。其次是美國近年都不是沒有入侵其他國家，越南、阿富汗、伊拉克等，你幾時見到任何一國在美國管治下生活美好有民主有自由有美好生活水平，再慘的是基本上是完全相反的局面，冇民主冇自由同最慘是冇生活保證，全處於戰爭同飢荒狀態。所以班友仔叫美國佬打香港，最大結果是香港由現在太平日子人人有飯食變成人人無飯食同生命朝不保夕。仲有你睇敍利亞現況就是香港如果被美國進行侵佔時的境況，即到時香港所有市民都被戰火蹂躪，人人都變成戰爭難民，最大可能是湧入中國國內找生路，其次是到澳門及台灣，日本也是選擇如果佢肯收留的話。至於歐洲及戰爭發起國美國會不會收留香港戰爭難民….從現實事實看同零沒有分別，你那見美國大量收容由其發起戰爭的地方難民，越南、阿富汗、伊拉克同敍利亞，你想下侵侵連由墨西哥入來的都要千方百計趕佢走，仲想把所有在美國的非法移民都送走，咁你想下美國點會想照顧自己搞戰爭出來的難民。仲話想要有個好日子，比現在更民主更自由更好的生活水平，發夢想下就有，現實叫美國佬嚟就肯定不會有這種情況出現。你估美國突然轉死性會侵佔香港後搞好香港….，以前是從未出現過，你點期望這個奇蹟出現，咪仲衰過買六合彩，連希望都完全沒有機會出現。都唔明現在青年人會叫香港人去死，最衰是你話要自由民主但你提倡叫美國佬來侵佔香港有冇俾全香港人同意同話佢知事實是要將香港人全變成戰爭難民，如果佢哋硬要話美國侵佔香港後香港會更好，咪即係擺明講大話欺騙全港人。

再者，要做鬼佬二等公民好有威咩，咁鍾意做人奴婢，但我肯定可以代表全香港人話我哋一定唔鍾意做鬼佬二等居民，要受盡人家面色，班友仔又話要爭取民主自由，做人家二等公民那有自由同民主，不看遠的只看美國打個的國家人民，那個有自由民主同美好生活。回頭看下我哋自己中國同香港，香港做殖民地時代那有自由民主，個個港督都是直接由英國欽點，香港人完全沒有任何權利同聲音可以發聲，連中國俾香港選特首做場戲交下差俾香港人做下都從來完全沒有做過，你話英國有幾民主同自由俾香港，仲有香港回歸時仲驚香港人走去英國揾佢着數，一下就將全香港人淪為BNO，完全沒有權去做英國本土公民，但之前在香港攞油水就….。唔知班友仔點解仲想做人家奴婢，但人家都唔想收你喎。再看中國歷史，元朝清朝時你看中國人做外族的二等公民有好日子過嗎，要養哂全滿清人，仲要做人家奴婢，留長辮…那有自由民主。再再再近點俾日本仔侵佔時又如何，去下香港歷史博物館看下啦，又唔使錢入場。其實班友仔自己想點咪去做，但千萬不要拖我們全港人落水，你鍾想做美國佬咪走去美國做移民，若人家不收你咪做非法移民囉；到時侵侵叫你走，你咪同佢講民主自由同人人有平等人權果套，睇下侵侵會唔會採你。

又唔知點解咁多香港示威人肯信呢班帶你去死的人走，都有點似海神號遇險記中成班友跟咗果帶佢哋去天堂(死亡)之路的人，只有幾個有腦之人才曉跟正確方向的領袖走出光明。